Nangako ang Vietnam na magbebenta ito ng mura at dekalidad na bigas sa Pilipinas.
Resulta ito ng bilateral meeting nina Pangulong Rodrigo Duterte at Vietnamese Prime Minister Nguyen Xuan Phuc sa sidelines ng 32nd ASEAN summit na ginanap sa Singapore.
Ayon kay Presidential Spokesperson Harry Roque, bagamat walang nabanggit kung gaano karami ang mahalaga ay ang commitment na ibinigay ng Vietnam na suplayan aniya tayo ng bigas.
Matatandaang said na ang imbak na bigas ng National Food authority kaya’t madalang ang murang bigas sa mga pamilihan.
