Suportado ni Camarines Sur Rep. lray Villafuerte ang panawagan ni Tourism Secretary Christina Frasco sa mga lokal na pamahalaan na tanggalin na ang mahigpit na panuntunan sa mga in-bound traveler.
Giit ni Villafuerte, nababalewala ang Executive Order 7 na ibinaba ng ehekutibo kung saan niluluwagan na ang COVID-19 restrictions sa pagbubukas ng ekonomiya at pagbuhay muli sa sektor ng turismo.
Dagdag pa niya, dapat nang sumunod ang mga LGU sa panawagan ng Department of Tourism (DOT).
Matatandaang umapela ang DOT sa mga lokalidad sa pamamagitan ng Department of Interior and Local Government (DILG) kaugnay sa pagbawi nang ipinatupad nilang mga panuntunan para sa mga biyahero noong kasagsagan ng pandemya.—sa panulat ni Maze Aliño – Dayundayon
