Nanindigan ang Puerto Princesa City Police na kabilang ang inarestong Vice Mayor ng lungsod na si Luis Marcaida III sa listahan ng kanilang high value targets sa kampanya kontra droga.
Ayon kay Deputy Director for Administration of Puerto Princesa City Police Superintendent Ronnie Bacuel, si Marcaida ay high value target sa regional level pero kanila pang inaalam kung kabilang ito sa narco-list ni Pangulong Rodrigo Duterte.
Matatandaang inaresto si Marcaida ng pinagsanib na puwersa ng PNP-Drug Enforcement Group at PDEA kasama ang Puerto Princesa at Palawan Police kahapon ng umaga sa bisa ng search of warrant na ipinalabas ng Manila City Regional Trial Court.
Samantala, inalmahan naman ng kampo ni Marcaida ang pagkakaaresto rito at kinuwestiyon kung bakit nanggaling sa Manila ang search warrant labas sa bise alkade at maging ang oras na isinilbi ito ng mga awtoridad.
By Krista de Dios / Photo via Jonathan Andal
