Umaarangkada na ngayong araw, Pebrero 12 ang Voter Registration na magtatagal hanggang Setyembre 30.
Ayon kay Commission on Elections Spokesperson John Rex Laudiangco, mas pinadali na ang rehistro kung saan maaaring na lamang i-download at sagutan ang application form sa kanilang website na www.comelec.gov.ph bago magpunta sa kanilang mga tanggapan.
Pinayuhan naman ng opisyal ang mga magpaparehistro na magdala ng Valid Government Identification card tulad ng passport, National ID, UMID ID, NBI Clearance, LTO Driver’s License ID, PRC ID o Senior Citizen ID.
Habang maaari naman ipresenta ng mga estudyante ang school ID o library card basta’t may pirma lamang ng school authorities.
