Lalarga na ang voter’s registration ng Commission on Elections tuwing araw ng Sabado simula sa Pebrero 20.
Ito’y para bigyan ang mga Pilipino ng sapat na panahon para magparehistro upang magkaroon ng pagkakataon na makaboto sa 2022 elections.
Ayon kay Comelec Commissioner Rowena Guanzon, marami kasi ang hindi magawang makapagparehistro dahil sa may trabaho o di kaya’y ibang pinagkakaabalahan tuwing weekdays.
Magbubukas ang weekend registration simula alas-8 ng umaga at magtatapos naman ng alas-5 ng hapon tuwing Sabado.
Kaya naman, sinabi ni Guanzon na wala nang dahilan ang ilan na hindi makapagparehistro dahil mayruon na silang pagkakataon para gawin ito.
