Muling ipagpapatuloy ngayong araw ng Commission on Elections o COMELEC ang voter’s registration para sa barangay at SK elections na itinakda sa Mayo ng susunod na taon.
Kasunod nito, hinimok ng Parish Pastoral Council for Responsible Voting o PPCRV ang publiko na samantalahin na ang pagkakataon para makapag-parehistro.
Ayon kay PPCRV National Chairperson Rene Sarmiento, mahalaga ang isang boto ng bawat Pilipino lalo’t malaki aniya ang posibilidad na magkaroon ng tie votes sa naturang halalan.
Tiniyak din ni Sarmiento ang kanilang pakikipagtulungan para alalayan ang mga PWDs o Persons with Disability lalo na sa mga satellite offices gayundin sa mga mall.
—-
