Nananatiling positibo si Vice President Jejomar Binay sa kabila ng resulta ng latest survey ng Social Weather Stations o SWS.
Ito’y sa kabila ng pagkakalugmok nito sa ikatlong pwesto sa 2016 presidential preference poll ng SWS kumpara kina Liberal Party standard bearer Mar Roxas na nasa pangalawang pwesto at Senadora Grace Poe naman na nanguna sa survey.
Sa kabila nito, sinabi ni Atty. Rico Quicho, tagapagsalita ng bise presidente, na nagpapasalamat pa rin sila sa kanilang mga tagasuporta.
Hindi rin aniya magbabago ang kampanya ni Binay sa pagbisita sa mga probinsya at pakikipag-usap nang direkta sa mga Filpino.
By: Jelbert Perdez | Allan Francisco
