Ikinukunsidera pa rin ni Vice President Jejomar Binay si Senador Grace Poe bilang running mate sa 2016.
Sa kabila ito nang pagbubunyag ni UNA Interim President at Congressman Toby Tiangco na may problema si Poe sa residency requirement kaya’t hindi ito uubrang tumakbo sa 2016 Presidential elections.
Gayunman, salungat ang nasabing pahayag ni Binay na pagkunsidera pa rin kay Poe na running mate sa sinabi nito noong Lunes na tapos na ang usapan sa pag-alok nito sa senadora na maging ka-tandem niya sa 2016.
Kasunod na rin naman ito nang pahayag ni Poe hinggil sa pagsasara niya ng pintuan para maging Vice Presidentiable ni Binay.
By Judith Larino | Kevyn Reyes
