Aminado si Vice President Leni Robredo na malayo pa ang kanyang tatahakin sa eleksyon 2022.
Kahit pumangalawa sa pinakahuling survey ng Social Weather Stations, mahina pa rin aniya ang kaniyang nakuhang numero.
Sinabi pa ni Robredo na apektado pa rin siya ng maling mga impormasyon o fake news sa internet na nagpapahirap aniya sa kanya.
Sakaling manalo sa Halalan 2022, handa aniya siyang makatrabaho si Mayor Sara Duterte-Carpio at wala aniyang gantihan na mangyayari.
Muli namang binigyang diin ni Robredo na wala dapat sa kulay ang pulitika. —sa panulat ni Hya Ludivico
