Umalma si Vice President Leni Robredo sa isang vlog na kumakastigo sa kanya at sa kanyang team dahil sa umanoy pamamahagi ng anemic spaghetti sa isang feeding program sa San Mateo, Rizal.
Tinawag na bored ni Robredo ang nasa likod ng nasabing vlog dahil tanging manira lamang ang pakay nito kayat umaapela siya sa publiko na huwag magpaapekto sa mga trolls.
Ayon kay Robredo, hindi nanggaling sa kanilang pondo ang ginamit sa feeding program kundi sa kanilang mga partners at hindi anemic kundi masarap ang spaghetti na ipinamahagi sa mga residente ng San Mateo.
Itinama rin ni Robredo, ang 2021 budget ng kanyang tanggapan na nasa P900 million at hindi P700 at ito aniya ay itinaas pa dahil maayos ang kanilang paggamit sa pondo.
