Muling nanawagan si Vice President at Education Secretary Sara Duterte sa mga unvaccinated personnel ng ahensya na magpabakuna na kontra COVID-19.
Ayon kay VP Sara, ito’y para maiwasan at mapigil ang hawaan ng COVID-19 sa mga paaralan.
Matatandaang, naglabas ang Department of Education (DEPED) nitong Hulyo ng alituntunin sa school calendar and activities for School Year (SY) 2022-2023 sa ilalim ng pagsusulong nito ng pagbabalik ng limang araw na in-person classes.
Batay sa DEPED Order no. 034 series of 2022, magsisimula ang klase sa August 22 na magtatapos sa July 7, 2023.
Nagbigay din ang DEPED ng direksyon at gabay sa muling pagbubukas ng klase at unti-unting introduksyon ng limang araw na in-person learning modality classes.
Nagsimula na ang enrollment para sa school year 2022-2023 noong a-25 ng Hulyo at matatapos sa a-22 ng Agosto.
