Iginiit ni Vice President Sara Duterte na hindi humiling ng asylum ang kanyang amang si dating pangulong Rodrigo Duterte sa Chinese government o nakipag-usap man lang sa mga opisyal ng China ng bumisita ito sa Hong Kong.
Kasunod ito ng umuugong na balitang humiling ng asylum sa China si dating Pangulong Duterte kaya ito nagtungo sa Hong Kong.
Giit pa ni VP Duterte, ‘politically motivated’ ang pagkakaaresto sa kanyang ama at lahat ng nangyayari ay may kaugnayan sa 2028 elections.
Wala na rin anyang dahilan para makipag-usap pa siya kay Pangulong Ferdinand Marcos Jr. —sa panulat ni Alyssa Quevedo
