Umaasa si Vice President Sara Duterte na mananatili sa mga Pilipino ang katapangan at kabayanihan ni Andres Bonifacio.
Sinabi ito ng pangalawang pangulo kasabay ng selebrasyon ngayong araw ng ika-159 na kapanganakan ng ating bayani na si Bonifacio.
Sa inilabas na mensahe ni VP Sara, itinampok nito ang pagmamahal ni Bonifacio sa bayan at kung paano ito makapagbibigay-inspirasyon sa bansa na magkaisa sa pagharap sa mga kahirapan.
Umaasa naman ang pangalawang pangulo na ang sinimulang kalayaan ng bayani, ay muling magpapasiklab ng isang malalim na pakiramdam ng pagiging makabayan, hindi makasarili, at katapangan para sa ating bansa at sa kapwa pilipino.
