Wala pa ring magbabago sa ipinatutupad na quarantine protocols para sa mga pauwing Pinoy na fully vaccinated na mula sa kanilang bansang pinanggalingan.
Paliwanag ni Presidential Spokesperson Harry Roque, wala pang kasunduan ang buong daigdig para maberipika kung totoo ang mga ipiprisintang vaccination cards.
Giit ni Roque, mahalagang magkaroon ng iisang kasunduan o polisiya ang mga bansa para magkaroon ng standard vaccination verification upang matukoy kung totoo o peke ang vaccination card.
Gayunman tiniyak ni Roque na pinag-aaralan na rin ng pamahalaan kung papaano ang magiging proseso sa pagpapasok sa bansa ng mga byaherong fully vaccinated na.
