Walang Pilipino ang nasaktan sa nangyaring pamamaril sa isang shopping mall sa Thailand na ikinasawi ng nasa 20 katao.
Batay sa ulat, alas-2 kaninang madaling araw nang mailikas na ang anim na mga Pilipino na na-trap sa Terminal 21 Mall sa Nakhon Ratchasima, Thailand.
Naka-lockdown na ang lahat ng mga stalls at kuwarto sa mall kung saan unti-unti nang inilalabas ang mga naipit na customers at staff ng nabanggit na mall.
Wala rin umanong hawak na hostage ang suspek na nanatili pang nakalalaya at nagpapalakad-lakad pa rin sa loob ng mall.
Una nang kinilala ng Thai authorities ang suspek sa pamamaril na si Sergeant Major Jakrapanth Thomma, isang junior army officer.
Nagawa ring i-post ng suspek sa Facebook ang ginawa nitong walang habas na pamamaril.
