Kinumpirma ng Department of Foreign Affairs o DFA na walang Pilipinong nadamay sa nangyaring pamamaril sa Texas.
Kasabay nito, nagpaabot din ng pakikiramay ang DFA sa pamilya ng mga nasawi sa loob ng First Baptist Church sa Sutherland Springs sa San Antonio, Texas.
Ayon kay DFA Spokesman Robspierre Bolivar, patuloy na nakikipag – ugnayan ang konsulada ng Pilipinas sa Los Angeles sa mga Pinoy sa Texas upang i-monitor ang kanilang sitwasyon doon.
Nagbigay din ng paalala ang DFA sa mga Pinoy doon na maging mapag-matyag sa paligid at mag – doble ingat sa lahat ng pagkakataon.
