Tiniyak ng Armed Forces of the Philippines (AFP) na hindi nila titigilan ang operasyon hanggang sa huling miyembro ng Maute Group.
Kasunod ito ng military counter terrorism operation kung saan limang miyembro pa ng Maute Group ang nasawi sa bakbakan sa Butig, Lanao del Sur.
Ayon kay Major Filemon Tan, Spokesman ng AFP Western Mindanao Command, isang scout ranger naman ang patay sa pinakahuling operasyon ng kanilang tropa sa lugar.
Sinabi ni Tan na naitaboy na nila ang grupo sa Butig subalit hinihinala nilang ilan sa miyembro ng Maute ay nagtatago pa rin sa naturang bayan.
By Judith Larino
