Pinayagan na muli ni Manila Mayor Isko Moreno ang walk-in clients sa lahat ng COVID-19 vaccination sites sa lungsod ng Maynila.
Ito’y makaraang ipagbawal ni Moreno kahapon ng umaga ang pag-walk-in sa mga bakunahan dahil nagkaroon ng mahabang pila at kaguluhan.
Ngunit binawi rin ni Moreno kinahapunan dahil marami ang hindi dumating na naka-schedule sa mga vaccination sites.
Ayon kay Moreno, nadismaya ito dahil 22 sites ang walang nagpapabakuna kahit isa.
Dahil dito, pumayag na muli si Moreno na mag-walk in ang ilang residente ng lungsod.
Marami naman ang umuwi na lamang at ang iba ay sumama ang loob dahil hindi sila naturukan ng bakuna.
