Walo ang sugatan kabilang ang isang dose (12) anyos na bata sa pag-atake at panananaksak ng isang lalaki sa munich sa Germany.
Batay sa ulat, bigla na lamang naglabas ng kutsilyo ang trenta’y tres (33) anyos na suspek at walang habas na nanaksak sa mga naglalakad sa silangang bahagi ng Munich.
Matapos ang tatlong oras ay naaresto ang suspek na napag-alamang may mga kaso na ng pananakit, paggamit ng iligal na droga at pagnanakaw.
Hinihinala namang may sakit sa pag-iisip ang suspek at itinanggi na rin ng mga awtoridad na may kaugnayan sa terorismo ang pag-atake.
