Sa Pangasinan na nadakip ng mga pulis ang isang lalaki na wanted sa kasong frustrated murder sa bayan ng Pateros.
Ayon sa Southern Police District (SPD), si Nestor Maceda Jr. ay nagtago sa Brgy. Unsad. Villasis, Pangasinan at doon na ito nasakote ng mga awtoridad.
Si Maceda ay may kasong frustrated murder sa isang korte sa Pateros kung saan aabot sa 200,000 piso ang itinakdang piyansa laban sa akusado.
Nangako ang SPD na mas paiigtingin pa nito ang pagtugis sa mga wanted criminals sa kanilang nasasakupan lalo na ngayong umiiral ang COMELEC gun ban.
