Hawak na ng defending champion Golden State Warriors ang buena manong panalo sa Game 1 ng NBA finals kontra Cleveland Cavaliers.
Pinataob ng Golden State ang Cleveland sa score na 104-89 sa homecourt ng Warriors sa Oracle Arena, California.
Bagaman nakahabol sa unang bahagi ng 4th quarter ang Cavaliers upang ilapit ang kalamangan, agad namang nagpakawala ng mga puntos ang Golden State sa tulong ng kanilang mga bench player.
Pinangunahan ng veteran na si Shaun Livingston ang Warriors na kumamada ng 20 points at Andrei Iguodala na nagpakawala ng 12 points habang hindi masyadong napagod ang splash brothers na sina Stephen Curry na sumalaksak ng 11 points at Klay Thomson na nag-ambag ng 9 points.
Sa panig ng Cleveland, hindi na naingat pa ni Lebron James ang team sa huling quarter sa kabila ng inilarga niyang 23 points maging ang kanilang star point guard na si Kyrie Irving na nag-ambag ng 26 points.
Muling maghaharap ang dalawang koponan sa game 2 ng best of seven finals sa homecourt pa rin ng defending champions, sa Lunes.
By Drew Nacino
