“Sa darating na eleksyon, bayan muna bago puso.”
Magtatambal sa light romantic film na ‘My Candidate’ sina Shaina Magdayao at Derek Ramsay, isang pelikulang napapanahon din para sa eleksyon.
Sa inilabas na teaser ng Quantum Films, gagampanan ni Derek ang karakter ni Sonny Suarez na mula sa isang political family at tumatakbong senador. Ito’y bilang pagpapatuloy sa legacy ng kanyang ama na ginagampanan ni Tirso Cruz III.
Sa kagustuhang mas maging malapit sa publiko ay nag-hire siya ng isang communication coach, Si Billie na gagampanan ni Shaina Magdayao.
Habang gagampanan naman ni Iza Calzado ang karakter ni Vera Sanchez, isang congresswoman na makakalaban ni Sonny sa pagka-senador.
Si Vera ay hindi nagmula sa isang political family.
Dito na lalabas ang ilang mga problema dahil si Vera ay hindi lang kalaban sa pulitika ni Sonny kundi ex-girlfriend nito.
Made-develop din si Sonny kay Billie habang inaaral niya na magkaroon ng charisma bilang isang kandidato.
Sa direksyon ni Quark Henares, ipapalabas ang My Candidate ngayong May 11.
PANOORIN:
