Inilabas na ang unang pasilip sa upcoming movie na ‘The Achy Breaky Hearts’ na pinagbibidahan nina Jodi Sta. Maria, Ian Veneracion at Richard Yap.
Ito ang unang proyektong pagsasamahan ng tatlo sa produksyon ng Star Cinema.
Sa teaser makikita ang karakter ni Sta. Maria bilang Chinggay, isang jewelry shop manager na nasa ’30s na at ramdam na ang pressure dahil siya’y single pa rin at wala pang asawa sa kabila ng pakikipag-date.
Ngunit magiging kumplikado ang kanyang buhay sa pagdating ng kanyang new love na si Ryan na gagampanan ni Ian at ang pagbabalik ng isang tao mula sa kanyang nakaraan na si Frank, karakter ni Richard.
Sino nga ba ang pipiliin ni Chinggay sa dalawa?
Nakatakdang ipalabas ang pelikula sa mga sinehan ngayong June 29 sa direksyon ni Antoinette Jadaone.
