Lalo pang tumaas ang antas ng tubig sa Buntun Bridge sa Cagayan.
Kaninang alas-8 ng umaga, naitala sa 11 meters ang water level sa Buntun Bridge.
Ayon sa Cagayan Public Information Office, nakapagtala ng mabilis na pagtaas ng water level sa nakalipas na magdamag.
Nasa critical level na ang water level sa Buntun at inaasahang madaragdagan pa ang antas ng tubig sa susunod na mga oras.
Nagpatupad naman na ng preemptive evacuation sa mga naninirahan malapit sa ilog sa Cagayan.
Mayroon ding 10 kalsada sa lalawigan at tulay na hindi madaanan ng mga motorista.
