Asahan na ang pagkaranas ng water service interruption sa maraming barangay sa Rizal, simula sa Lunes, ika-23 ng Nobyembre.
Batay sa abiso ng Manila Water, siyam na oras na mawawalan ng suplay ng tubig ang kanilang mga customers dahil sa isasagawang preventive maintenance works ng Manila Water sa kanilang Cardona Water Treatment Plant sa Rizal.
Dahil dito, apektado ang nasa higit 57,000 na mga kabahayan, commercial at business establishments mula sa 58 barangay sa Rizal, simula alas-9 ng gabi ng Lunes, hanggang alas-6 ng umaga ng Martes, ika-24 ng Nobyembre.
Samantala, payo naman ng Manila Water sa kanilang mga customers sa Rizal, mag-imbak na ng sapat na tubig bago pa man ang nakatakdang water service interruption.
