Asahan na ang muling pagbigat ng daloy ng trapiko hanggang sa Lunes ng alas-5:00 ng madaling araw, Enero 18.
Kasunod ito ng panibagong road reblocking ng Department of Public Works and Highways (DPWH) sa ilang lugar sa Metro Manila simula alas-11:00 kagabi.
Ayon sa DPWH, apektado ng road reblocking ang southbound ng EDSA sa pagitan ng Aurora Blvd at P. Tuazon partikular na sa service road mula sa first lane hanggang sidewalk.
Gagawin din ang ilang parte ng C-5 Road northbound, tapat ng SM Warehouse sa Gate 2, bandang second lane at outermost lane.
Magkakaruon din ng reblocking sa sidewalk at unang lane sa tapat ng DPWH Quezon City.
By Judith Larino
