Ipagpapatuloy ng Maynilad ang kanilang weekend service interruption sa kanilang mga customer bunsod pa rin ng epekto ng tagtuyot.
Ayon sa Maynilad, bagaman bahagyang nakatulong ang pag-ulang dulot ng bagyong Lando upang makadagdag ng supply sa mga dam noong isang buwan, hindi pa rin ito sapat lalo’t inaasahang magpapatuloy ang dry spell hanggang ikalawang bahagi ng taong 2015.
Ipatutupad ang service interruption kapag off-peak hours simula alas-9:00 ng gabi hanggang alas-4:00 ng madaling araw.
Magugunitang sinuspinde ng water concessionaire ang noong October 18 ang implementasyon ng 7 oras na water service interruption matapos bahagyang tumaas ang lebel ng tubig sa Angat Dam.
By Drew Nacino
