Tiniyak ng Western Mindanao Command na mabubura na sa kasaysayan ang Abu Sayyaf bago matapos ang taong ito.
Pangako ito ng bagong talagang WESMINCOM Chief, Lt. General Cirilito Sobejana sa harap ng suicide bombing sa isang kampo ng militar sa Indanan, Sulu kung saan tatlong sundalo at tatlong sibilyan ang nasawi.
Ayon kay Sobejana, tatapusin nila ang Abu Sayyaf at lahat ng dayuhang terorista sa Sulu hanggang Disyembre ng taong ito bilang tugon na rin sa direktiba ni Pangulong Rodrigo Duterte na dapat masugpo na ang mga bandido bago pumasok ang 2020.
