Kumbinsido ang Westmincom o Western mindanao command na masusukol na nila sa malapit na hinaharap ang Abu Sayyaf.
Ayon kay captain Joan Petinglay, spokesperson ng Westmincom, nagbunga na ng limang malalaking engkwentro ang kanilang operasyon sa nagdaang dalawang linggo lamang.
Pinakahuli rito ang naganap na engkuwentro sa Talipao, Sulu kung saan apat na miyembro ng Abu Sayyaf ang napatay at nakarecover pa ng pitong armas ang militar.
Aminado si Petinglay na, nananatiling malaking hamon sa militar ang pagsalba sa may tatlumpung bihag ng Abu Sayyaf.
Dalawampu’t anim sa mga bihag ay mga dayuhan samantalang apat ang Pilipino.
By Len Aguirre
