Isinailalim sa lockdown ang White House matapos ang mga kahina-hinalang aktibidad sa kahabaan ng north fence line ng complex.
Ayon sa US Secret Service, isang lalaking nakilalang si Ervin Pettaway ang lumapit sa uniformed division officer na nasa north side ng Pennsylvania Avenue at nagsabing may pampasabog sa lugar.
Dahil dito, isinara sa pedestrians at sa mga motorista ang Pennsylvania Ave. at Lafayette Park malapit sa White House.
Natagpuan naman ang cellphone ni Pettaway ngunit wala silang na-detect na anumang pampasabog kaya naideklara ding cleared ang lugar.
Nahaharap naman sa isang count ng felony threats si Pettaway.
—-
