Sold out ang tiket ng world premiere ng pelikulang ‘Ang Panahon ng Halimaw’ ni Lav Diaz sa 2018 Berlin International Film Festival.
Dagsa hindi lamang ang mga Pilipinong manonood kundi pati mga dayuhan sa red carpet premiere para mapanood ang nasabing pelikula.
Dumating din sa Germany ang buong cast ng Ang Panahon ng Halimaw sa pangunguna nina Piolo Pascual at Shaina Magdayao na hindi maitago ang tuwa dahil sa pagkakabilang ng kanilang pelikula sa main competition ng Berlinale.
Umaasa rin sila Piolo at Shaina na makapag-uuwi rin sila ng parangal para sa bansa.
Matatandaang nabigyan ng silver bear award sa Berlin International Film Festival noong 2016 ang pelikula rin ni Lav Diaz na ‘Hele sa Hiwagang Hapis’ na pinagbidahan din noon ni Piolo.
—-
