Binalaan ng Western Visayas Medical Center (WVMC) sa Iloilo City ang publiko laban sa mga pekeng RT-PCR COVID-19 results na nagtataglay ng logo ng ospital at Department of Health.
Ginawa ng ospital ang pahayag matapos kumalat ang bogus na dokumento na may pekeng pirma nina Arriane Sibal, Abigail Joy Pastolero, Andres Miranda, at Pierre Layson na hindi naman umano mga empleyado ng nabanggit na pagamutan.
Samantala, nanawagan din sa publiko ang pamunuan ng ospital na isumbong sa mga awtoridad ang mga katulad na aktibidad upang mapanagot at masakote ang mga salarin.
