Aminado ang actress-turned-beauty queen na si Wynwyn Marquez na nakatanggap siya noon ng offer mula sa ibang network at kanyang ring ikinunsidera na tanggapin ito.
Gayunman sinabi ni Wynwyn na nananatili ang kanyang puso at loyalty sa Kapuso network.
Paliwanag ni Wynwyn, sa kanyang palagay hindi magandang tignan na bigla na lamang niyang iwan ang kanyang home network na ilang taon ding humasa sa kanyang talento at nagbigay ng tiwala sa kanya.
Nitong nakaraang Mayo lamang ay muling pumirma si Wynwyn sa panibagong exclusive contract sa Kapuso network.
Kabilang sa inilatag na proyekto sa kanya ay ang dalawang teleserye.
