Handa na ang singer na si Yeng Constantino na magkaroon ng baby.
Ayon kay Yeng, kamakailan lamang daw nang kanyang mapagtanto na gusto niya nang magka-anak, dalawang (2) taon matapos ikasal sa asawang si Yan Asuncion.
Kwento pa ni Yeng, naisip niya ito nang makita ang baby picture ng kanyang asawa at nasabing gusto niya ng anak na kasing cute nito.
Gayunman, sinabi ng singer na hindi nila pinipilit ni Yan na magkaroon ng anak ngayong taon at hinahayaan lamang na kusa ito dumating.
Subalit, pag-amin ni Yeng na sa susunod na taon ay si-seryosohin na nilang mag-asawa ang magka-baby.
By Krista De Dios
