Pasok sa listahan ng Forbes Asia 30 Under 30 sina World Champion Gymnast Carlos Yulo at Skateboard Champion Margielyn Didal.
Sina Yulo at Didal ay napili mula sa mahigit 3,000 nominado sa buong mundo para sa nasabing listahan ng mga nasa edad 30 pababa na may kakaibang talento at game changer.
Magugunitang nakapagtala ng kasaysayan ang 19-anyos na si Yulo matapos magwagi ng gold medal sa Men’s Floor Exercise sa World Artistic Gymnastics Championships at nakakuha ito ng pitong medalya sa 30th Southeast Asian Games.
Samantala, ang 20-anyos na si Didal ay naging kauna-unahang Pinay na lumaban sa X Games.
