Pinabulaanan ni San Juan City Mayor Francis Zamora na hindi niya ipinaalam sa mga otoridad na mayroong coronavirus disease 2019 (COVID-19) infection ang ilan sa kanyang mga staff.
Ayon kay Zamora, ipinaalam niya sa city health office, village association at barangay na nagpositibo sa COVID-19 ang siyam sa kanyang staff.
Tinukoy ng alkalde na nagpositibo ang lima sa kanyang staff sa bahay habang apat naman sa city hall.
Aniya, ilan sa mga ito ang nananatili na sa quarantine facility at nanatiling asymptomatic.
Samantala, sinabi ng alkalde na maging siya ay sumalang na sa dalawang beses na swab test sa nakalipas na walong araw at naging negatibo naman ang resulta nito.
