Handa si Bayan Muna Partylist Rep. Carlos Zarate na makipag-usap kay Pangulong Rodrigo Duterte.
Ito ang sagot ni Zarate matapos maghamon si Pangulong Duterte sa kaniya na harapin siya ng lalake sa lalake.
Kasabay nito nilinaw ni Zarate na malinis ang tuition, board at iba pang gastusin sa pag-aaral ng kaniyang nag-iisang anak na si Xandro sa ibang bansa.
Ayon kay Zarate sponsored ng mga kaanak nila ang pag-aaral ni Xandro gayundin ang suporta ng kaniyang asawang abogado at sa abot ng kanilang makakaya ay itinatawid nila ang edukasyon ng kanilang anak.
Matatandang muling binanatan ng pangulo si Zarate kung saan kinuwestiyon rin nito ang ginagastos sa pag-aaral ng anak ng mambabatas sa Europa.
