Target ng Philippine National Police (PNP) ang zero incident sa gaganaping coronation ng Miss Universe beauty pageant sa Lunes, January 30.
Ayon kay Director Oscar Albayalde, hepe ng PNP National Capital Region Police Office gusto nilang gayahin ang pagiging matagumpay ng mga naunang malalaking events na nangyari sa bansa.
Dahil dito, tuloy-tuloy anya ang inspeksyon sa Mall of Asia Arena kung saan gaganapin ang coronation ng Miss Universe.
Sinabi ni Albayalde na nakikipag-partner sila pamahalaan sa iba’t ibang ahensiya o departmento para matiyak ang kaligtasan ng publiko, candidates at iba pang delegado sa Miss Universe.
By Len Aguirre | Report from: Allan Francisco (Patrol 25)
