“Isang malungkot at madilim na yugto.”
Ito ang tingin ni Senate Majority Leader Juan Miguel Zubiri sa panibagong kaso ng COVID-19 na naitala ng bansa na nasa 18,332 kahapon.
Ayon kay Zubiri, ito ang kanyang naramdaman sa kabila ng pagsisikap ng pamahalaan na mapigilan ang pagkalat pa ng virus sa bansa.
Giit pa ng Senador na nakagugulat at nakakaalarma na umakyat ng ganoong kataas ang kaso ng COVID-19 dahil na rin sa delta variant nito.
Dahil dito, nanawagan si Zubiri sa publiko na makipagtulungan sa hakbang ng pamahalaan sa pagsugpo ng COVID-19 gaya ng pagsunod sa health protocols gayundin ang pagbabakuna para sa karagdagang proteksyon.—ulat mula kay Cely Ortega Bueno (Patrol 19)
