Muling lalahok sa pagka-senador si Senate Majority Leader Juan Miguel Zubiri sa 2022 National Elections.
Kinumpirma ni Zubiri na tatakbo ito bilang independent candidate kung saan mayroong kasama sa alyansa sa administrasyon.
Sinabi rin ni Zubiri na tatakbo ring senador sina House Deputy Speaker Loren Legarda, Sorsogon Governor Francis Escudero, at mga kapwa niya re-electionist senators na sina Sherwin Gatchalian at Joel Villanueva .
Aniya, tutulungan nila ang isa’t isa sa gagawing pagtakbo sa darating na halalan.
Samantala, inihayag naman ni Pasig Mayor Vico Sotto na katulad na posisyon pa rin ang tatakbuhan niya sa darating na halalan para sa ikalawa niyang termino.
Magugunitang, hanggang tatlong termino lamang maaaring tumakbo ang mga alkalde na may tig-tatlong taon ang bawat isang termino.
